Pirritxek, Porrotxek eta Marimototsek bere lagun handi bati bisita egin zioten behin ospitalean. Ane izena du lagunak eta pirata izan nahi du. Gaixo dago Ane, baina pozik dago hala ere, pirata izatea erabaki baitu, eta bere desioa konplitu egin baitzaio. Eta nola egiten da bat pirata? Horretarako, maisu on bat behar da, noski. Eta Ane Piratak munduko piratarik ausartena du maisu eta eredu, Patakon. Alaia da Patakon, festazalea, eta inork baino hobeto daki piraten lezio ederrak ematen.
Liburuaz gain, azken orrian Eskerrik asko diskarekin kaleratutako liburuxka atxikituta dago.
