Ibar Ezkerrean musika-talde bat sortzea bada nahikoa meritu; talde horri eusteak eta urteetan irauteak areagotu egiten du haren balioa; eta gainera euskaraz kantatzen badu, horrek izen bat du: ZARAMA. Nahiko izan zen grabatu zuten lehenengo kantua, eta buruan betiko iltzatuta geratzen zaizkizun ereserki horietako bat bihurtu zen. Zarama-ri esker, Ibaizabalen Ezkerraldeko berezko soinu bat zegoela pentsatu eta idatzi izan da, baina, egia esan, rock'n'roll modu berezi hori, raka-raka, eta gitarraren solo horiek batik bat, Zaramaren ezaugarri dira, ez beste inorenak. Horri erantsi behar zaizkio soinu pertsonala, euskarari egindako ekarpena, Iñaki, Gasteizko gaua edo Itxoiten bezalako abestiak, Roberto Moso kantariaren nortasuna& Horrek guztiak 15 urteko historia sendo eta aberatsa osatu zuen, amaiera duin eta dotorea eduki zuena, baina abesti-sorta bikain bat utzi ziguna, bilduma honetan aurkituko duzun moduan. (Pablo Cabeza) Indarrez 1983 (Discos Suicidas) Gaua apurtu arte 1985 (Discos Suicidas) Dena ongi dabil 1987 (KD-144) (Elkar) Bostak bat 1989 (KD-202) (Elkar) Sexkalextrik 1991 (KD-277) (Elkar) Binilo bala 1994 (KD-375) (Elkar)